يؤسفنى انه اصبح اعتياديا، يؤسفنى انه اصبح تكراريا، تؤسفنى بل تمزقنى الثرثرة فى وقت الفاجعة، و لكن الحمد لله انا فى بلد حر ثائر انا من احفاد الفراعين، انا من مصر التى لقنت العالم درسا فى انتصار اكتوبر العظيم، و ادهشته بثورة اطاحت بنظام فاسد و جاءت ببرلمان يمثل الثورة حق التمثيل، و مازالت مصر تدهش العالم و مازلت انا ايضا فى قمة الاندهاش!
و من بلد شقيق و جدت لى متابع على شبكة التواصل الاجتماعى "تويتر" سعدت جدا بتغريداته التى امتلأت بالاعجاب و "الطنطنة" بعبارات الثورة المصرية الرائدة و خلافه و علمت انه من بلد قامت فى اهله ثورة ، و لكنها مازالت وليدة تعانى بعض الصعاب فإدارة المرحلة الإنتقالية تحتاج الى حكمة يستطيع المصريون و بفضل الله و بدون اى مبالغة تصديرها الى العالم الخارجى لتنافس المنتج الصينى فقط! فقمت بمتابعة هذا الصديق و جرت بينى و بينه العديد من المحاورات و لكنى لا استطيع ان اتحدث اليه الليلة فتغريداته غير مشجعة و غير مطمئنة على حال وطنه...فبماذا غرد صديقى "بموت فى بلدى" (كما يسمى نفسه على التويتر) او اعاد تغريد بعض من تغريدات اهل وطنه؟
"بموت فى بلدى": وجعتى قلبى يا بلدى :(( #بحرالبقر
"بموت فى بلدى":سليم همام قضى عمره فى سجون النظام و اليوم استشهد فى موقعة #بحرالبقر..حسبى الله و نعم الوكيل.
"بموت فى بلدى" دى صورة لشهداء موقعة اليوم...شباب زى الورد. #ببحرالبقر
"الناشط نظيف شريف": تسليم السلطة الفورى هو الحل...صوت الخرطوش يملأ المكان.#بحرالبقر
"بموت فى بلدى": دم الشهيد عمره ما يروح هدر...افديكى يا بلدى بدمى و روحى.
"بموت فى بلدى": يا رب احفظ بلدى و شبابها.
"بموت فى بلدى": معلش يا جماعة الصور اللى فاتت دى صور قديمة من آيام الثورة ليست لها علاقة بموقعة اليوم..ارجو التصحيح.
"نونة بنت كيوت": يا و لاد ****** بتعملوا فينا كده ليه طب ** امكم كلكم #بحرالبقر #a5a
"الكاتب راشد الراسى": اتحدث الآن هاتفيا على قناة #العصفورة..تابعونى.
"شبكة هجص الاخبارية": تم اعتقال مراسل قناة العصفورة و اصابة المصور.
"الناشطة طاهرة عقت السنين": يا جماعة ما تصدقوش اى حاجة مراسل قناة العصفورة واقف بيسجل معايا و المصور واقف بيصوصو.
"بموت فى بلدى": علشان الاسلاميين يفرحوا خربوها و قعدوا على تلها.
"ابو العلاء الساتر عورته": للاسف اعداء الاسلام مسلمين...هتروحوا من ربنا فين...خربتم البلد بفجركم.
"نونه بنت كيوت": ***ك حمرا يا ابو العلاء. #a5a
"الرئيس القادم": سأوقف حملتى الانتخابية و اتلفح بالبطانية لحين ان ترد كرامة الانسان و تتوقف المجازر.
"فلول و مش مكسوفة اقول": ادى الثورة اللى فالقتوا دمغنا بيها...شوفتو اخرة غباؤكم ايه...هتولعو ف البلد الله يح****.
"بنوته كيوت":بس يا بت يا فلول يا بنت ال******. #a5a
"شبكة ف ت ى الاخبارية": سقوط ٢٢ قتيل و ٦٠ مصاب و المستشفى الميدانى يحتاج لامدادات.
"شبكة ف ت ى الاخبارية":المرشح الاسلامى فى مداخلة على قناة العصفورة يتهم الكاتب راشد الراسى بتدبير الاحداث و انتشار
السلاح بين المتظاهرين.
"ثائر متقاعد": جه الوقت اللى الثوار يقولوا عليا فيه فلول لانى لا اقبل ان يحركنى الساسه كقطعة الشطرنج.
"بموت فى بلدى": كلكم خونة و مجلسكم مجلس خونة!! #a5a
"الناشطة طاهرة عفت السنين": بيصور*
"الشاعر سميح اابو الريح": اصبحت بلدى قطعة من الجنون.
"بموت فى بلدى" احياء عند ربهم يرزقون. #بحرالبقر
"الفنانة نجمة": يا رب صبر الامهات على فراق اولادها الشهداء و اعتذر عن الفيديو السابق لانه ليس مباشر بل مسجل من احداث الاسبوع القادم .
"بموت فى بلدى" كل السياسين عايزين كراسى و الناس هى اللى بتدفع الثمن. #بحرالبقر
"قناة العصفورة": بث مباشر لقيادات الاعتصام يهددون بالانقلاب على المجلس الانتقالى.
"شبكة هجص الاخبارية": مصدر من المجلس الانتفالى سنباشر دورنا فى حماية الثورة الاحد المقبل بإذن الله.
"راشق فى اى اعتصام": الحقونى زميلنا الصحفى خليل لا يعرف المستحيل اختفى..ريتويت يا جماعة عايزين نلاقيه.
"الشاعر سميح ابو الريح": جريمة ان يرفع ابناء الوطن الاسلحة فى وجوه اشقائهم..انا حزين
"من خط النار": عاجل هجوم البلطجية من جديد بسيوف و مولوتوف. #بحرالبقر
"الشاعر سميح ابو الريح": #freeKhalil
"ابو العلاء الساتر عورته": ليسوا شهداء !!!!
"ابو العلاء الساتر عورته": ليسوا شهداء !!!!
"بموت فى بلدى": و انتم لستم مسلمين.
"بنوته كيوت": و انتو الاتنين مش رجاله..مأنتخ يا اخويا على ط*** انت و هو و الناس بتموت خو*** صحيح. #a5a
"بموت فى بلدى": انا نازل دلوقتى ارض المعركة عشان دم اخواتى اللى بيروح..يا نجيب حقهم يا نموت زيهم. سلام و ادعو لى.
"بموت فى بلدى": الى المعركة #بحرالبقر
رسالة موجهة من "بموت فى بلدى" الى "ليلى المصرية"
"مساء الخير و الجمال على احلى لولا فاضية يا روحى ندردش شوية"
عبث عبث عبث...
No comments:
Post a Comment