How To Stay Positive

شويات

انا شوية اوهام فاكرة نفسها إنسان

انا شوية احلام بين طرمخة و نسيان

انا شوية توهة و غربة و حنين

انا شوية عشق و نغم مجروحين

انا شوية آهات و أنين ملمومين

انا شوية ضحك و فرح معمولين

انا شوية بشوية بنسى انا مين

انا شوية بحس بنفسى يومين

انا مش شوية بكره نفسى سنين

انا شوية خرافة فى عقول بنى آدمين

انا شوية حب كانوا فى قلوب منسيين
انا شوية اذكار فى الدرج مرميين
انا شوية اذكار فى الزحمة منسيين
انا شوية اذكار فى الضيقة حاضرين

انا شوية بجرح

انا شوية بقسى

انا مش شوية بردها الطاق طاقين